អម្រឹត និងសាលា Paññāsāstra International School (PSIS) បានចុះហត្ថលេខាសហការផ្តល់ «ឥណទានសិក្សា» ដល់អាណាព្យាបាលសិស្សានុសិស្ស
Aug 21, 2025
អម្រឹត បន្តលុបចោលទាំងស្រុងនូវបំណុលកម្ចី ដែលមានទឹកប្រាក់សរុបចំនួន ៩.៦៦៦.២០០ រៀល និងចំនួន ៨.៤៣៧,៥០ ដុល្លារអាមេរិក ជូនអតិថិជន១រូបទៀត ដែលជាយោធិនរងរបួសធ្ងន់ កំពុងសម្រាកព្យាបាល នៅមន្ទីរពេទ្យមិត្តភាពខ្មែរ-សូវៀត ភ្នំពេញ។
Aug 16, 2025
ភ្នំពេញ, ថ្ងៃទី ១៦ ខែសីហា ឆ្នាំ២០២៥ – អម្រឹតឈរក្នុងស្មារតីសាមគ្គីជាតិ និងការចូលរួមគាំទ្រជាមួយរាជរដ្ឋាភិបាលកម្ពុជា និងប្រជាពលរដ្ឋកម្ពុជា ទូទាំងប្រទេស គ្រឹះស្ថានមីក្រូហិរញ្ញវត្ថុអម្រឹត បានបន្តអនុវត្តន៍គោលនយោបាយជួយសង្គ្រោះ និងបរិច្ចាគថវិការ ស្បៀង ជូនដល់អតិថិជន ដែលជាយោធិនរងរបួស។
កាលពីពេលថ្ងៃទី ៣១ កក្កដា ឆ្នាំ២០២៥ ថ្មីៗនេះផងដែរ អម្រឹតក៏បានប្រកាសលុបចោលបំណុលកម្ចីទាំងស្រុងដល់យោធិនពលី ចំនួន ២រួប មកហើយ ដែលមានទំហំទឹកប្រាក់សរុបចំនួន ៥១,៧៨៩ ដុល្លារ របស់អតិថិជនចំនួន ២ រូប ដែលជាយោធិនបានលះបង់ជីវិតក្នុងកិច្ចការ ការពារបូរណភាពទឹកដីកម្ពុជា។ក្រៅពីការលុបចោលបំណុលទាំងស្រុង អម្រឹតបានផ្តល់ជំនួយថវិកាចំនួន ៥ លានរៀល សម្រាប់មួយគ្រួសារ ដើម្បីជួយកាត់បន្ថយបន្ទុកផ្នែកហិរញ្ញវត្ថុដល់គ្រួសារទាំងពីរ។
ចំណែកថ្ងៃនេះ ថ្ងៃទី ១៦ ខែសីហា ឆ្នាំ២០២៥ អម្រឹតបន្តប្រកាសលុបចោលបំណុលកម្ចីទាំងស្រុងចំនួនទឹកប្រាក់សរុបចំនួន ៩.៦៦៦.២០០ រៀល និង ៨.៤៣៧,៥០ ដុល្លារអាមេរិក ជូនអតិថិជនម្នាក់ទៀត ដែលកំពុងសម្រាកព្យាបាលនៅមន្ទីរពេទ្យមិត្តភាពខ្មែរ–សូវៀត។
ក្នុងឱកាសដ៏មានអត្ថន័យនេះ ក្នុងនាមជាសា្ថប័នមួយដែលផ្តល់កម្ចីផងនោះ អម្រឹត ក៏បានថ្លែងអំណរគុណយ៉ាងជ្រាលជ្រៅចំពោះក្រុមគ្រូពេទ្យ ដែលបានអនុញ្ញាតិឲ្យក្រុមការងារ អម្រឹត ចូលរួមសួរសុខទុក្ខ និងនាំយកថវិកាមួយចំនួន ជួយជូនដល់ យោធិនរងរបួស ១៤រូប ដែលកំពុងសម្រាកព្យាបាលនៅមន្ទីរពេទ្យនៅមន្ទីរពេទ្យមិត្តភាពខ្មែរ–សូវៀតជាមួយគ្នាផងដែរ។
អម្រឹត រួមទាំងបុគ្គលិកអម្រឹតទាំងអស់ នឹងចងចាំនូវការលះបង់ដ៏អស្ចារ្យ និងវីរភាពដ៏ក្លាហានរបស់យោធិនកម្ពុជាទាំងអស់ ក្នុងការការពារបូរណភាពទឹកដី និងថែរក្សារសុខ សុវត្ថិភាពជូនជាតិ កន្លងមករហូតមកដល់ពេលនេះ។
អម្រឹត សូមជូនពរយោធិនទាំងអស់ឲ្យឆាប់ជាសះស្បើយ និងអាចវិលត្រឡប់ជួបជុំក្រុមគ្រួសារបានក្នុងពេលឆាប់ៗនេះ។
អំពីអម្រឹត
បច្ចុប្បន្ន អម្រឹតមានមោទនភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន១0 នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាននិងកំពុងបម្រើអតិថិជនជាង៦00,000 នាក់ ដែលជា កសិករមានចំណូលទាបសហគ្រាសធុនតូច តូចបំផុត និងមធ្យម ។ អម្រឹតមានសាខាចំនួន១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៧០០នាក់ កំពុងបម្រើការងារ។
អម្រឹតគឺជាក្រុមហ៊ុនបុត្រ សម្ព័ន្ធរបស់ Bank SinoPac (ធនាគារ សាយណូផេក) គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀត ដែលជាស្ថាប័នអន្តរជាតិមានកិត្តិនាម និងត្រូវបានទទួលស្គាល់ថា ជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួនអម្រឹតបន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន ។
Share To: