នាថ្ងៃសុក្រ ទី០៥ ខែសីហា ឆ្នាំ២០២២ សមាគមមីក្រូហិរញ្ញវត្ថុកម្ពុជា(CMA) បានរៀបចំពិធី ប្រគល់ពានរង្វាន់ជ័យលាភីដល់អ្នកសារព័ត៌មានដែលបានចូលរួមប្រលងប្រជែងនិពន្ធអត្ថបទសារព័ត៌មានស្ដីអំពី «ការចូលរួមចំណែករបស់គ្រឹះស្ថានធនាគារនិងហិរញ្ញវត្ថុក្នុងការលើស្ទួយជីវភាពប្រជាជនកម្ពុជា» ដោយមានការសហការពីសមាគមធនាគារកម្ពុជា(ABC) និងក្លឹបអ្នកកាសែតនៅកម្ពុជា(CCJ) នៅសណ្ឋាគារកាំបូឌីយ៉ាណា ដែលចូលរួមឧបត្ថម្ភកម្មវិធីពីគ្រឹះស្ថានមីក្រូហិរញ្ញវត្ថុ អម្រឹត ផងដែរ។