ភ្នំពេញ ថ្ងៃទី០៨ ខែមេសា ឆ្នាំ២០២២ -- គ្រឹះស្ថានមីក្រូហិរញ្ញវត្ថុ អម្រឹត និងធនាគារប្រៃសណីយ៍កម្ពុជា បានចុះហត្ថលេខាលើកិច្ចសហការ ដើម្បីផ្តល់ជូន អតិថិជននូវភាពងាយស្រួលក្នុងការធ្វើប្រតិបត្តិការហិរញ្ញវត្ថុតាមរយៈម៉ាស៊ីនATM ដែលមានដូចជា៖ ការពិនិត្យសមតុល្យគណនី ផ្លាស់ប្តូរលេខសម្ងាត់ ពិនិត្យរបាយការណ៍សង្ខេប និងដកប្រាក់បានគ្រប់ពេលវេលា ដោយឥតគិតថ្លៃសេវា។ កិច្ចសហប្រតិបត្តិការភាពជាដៃគូនេះត្រូវបានធ្វើឡើងនៅសណ្ឋាគារទីក្រុងអូឡាំព្យា ដោយមានការចូលរួម ដោយគណៈគ្រប់គ្រងជាន់ខ្ពស់ នៃស្ថាប័នទាំងពីរ។