ភ្នំពេញ, ថ្ងៃទី ១២ ខែមីនា ឆ្នាំ ២០២៦ – ក្នុងឱកាសអបអរសាទរ ទិវាជាតិអំណានលើកទី១១ ក្រោមប្រធានបទ «សំណេរ និងអំណានក្នុងបរិបទថ្មី» អម្រឹត មានមោទនភាពយ៉ាងខ្លាំង ក្នុងការចូលរួមឧបត្ថម្ភ និងគាំទ្រការរៀបចំពិព័រណ៍សៀវភៅ ដើម្បីជំរុញ និងលើកកម្ពស់វប្បធម៌អាននៅក្នុងសង្គមកម្ពុជា។

ព្រឹត្តិការណ៍នេះ ត្រូវបានរៀបចំឡើងក្រោមអធិបតីភាពដ៏ខ្ពង់ខ្ពស់របស់ ឯកឧត្តម បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី និងជារដ្ឋមន្ត្រីក្រសួងអប់រំ យុវជន និងកីឡា ដែលបានបង្ហាញពីសារៈសំខាន់នៃការអាន និងសំណេរ ក្នុងការអភិវឌ្ឍធនធានមនុស្ស និងសង្គមជាតិ។

ក្នុងនាមជាគ្រឹះស្ថានហិរញ្ញវត្ថុដែលផ្តល់ផលវិជ្ជមានដល់សង្គម អម្រឹត ប្តេជ្ញាចិត្តបន្តចូលរួមគាំទ្រ និងលើកកម្ពស់វិស័យអប់រំ ជាពិសេសវប្បធម៌អាន ដែលជាគ្រឹះសម្រាប់ការអភិវឌ្ឍចំណេះដឹង និងសមត្ថភាពរបស់ប្រជាជនកម្ពុជា។

អម្រឹត ជឿជាក់ថា ការលើកកម្ពស់វប្បធម៌អាន នឹងជួយពង្រឹងអត្តសញ្ញាណវប្បធម៌ខ្មែរ និងរួមចំណែកក្នុងការកសាងសង្គមមួយដែលមានចំណេះដឹង ការច្នៃប្រឌិត និងការរីកចម្រើនប្រកបដោយចីរភាព។

អំពី អម្រឹត

បច្ចុប្បន្ន អម្រឹតមានមោទកភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន ១០ នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាននិងកំពុងបម្រើអតិថិជនជាង ៦00,000 នាក់ ដែលជា កសិករមានចំណូលទាប សហគ្រាសធុនតូច តូចបំផុត និងមធ្យម ។ អម្រឹតមានសាខាចំនួន១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៧០០នាក់ កំពុងបម្រើការងារ។

អម្រឹត គឺជាក្រុមហ៊ុនបុត្រ សម្ព័ន្ធរបស់ Bank SinoPac (ធនាគារ សាយណូផេក) គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀតដែលជា ស្ថាប័នអន្តរជាតិ មានកិត្តិនាម និងត្រូវបានទទួលស្គាល់ថាជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួន អម្រឹត បន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន៕