ក្នុងចំណោមសកម្មភាពគាំទ្រកីឡាទាំងអស់ ចក្ខុវិស័យរបស់ អម្រឹត ចំពោះវិស័យកីឡា ជាពិសេសកីឡាបាល់ទាត់ អម្រឹបានបន្តជួយឧបត្ថម្ភថវិកា ដល់ក្រុមបាល់ទាត់ Fathers’ All Stars សម្រាប់ផលិតអាវកីឡា ដើម្បីចូលរួមចំណែកនិងលើកកម្ពស់ដល់វិស័យកីឡា ឱ្យកាន់តែរីកចម្រើន និងបន្តរឹតចំណងមិត្តភាពបន្ថែមទៀត។​

ការឧបត្ថម្ភនេះ មិនត្រឹមតែជួយផ្តល់ឧបករណ៍ប្រើប្រាស់សម្រាប់ការប្រកួតនោះទេ ប៉ុន្តែថែមទាំងជាការលើកទឹកចិត្តដ៏សំខាន់សម្រាប់កីឡាករម្នាក់ៗ ក្នុងការបន្តអភិវឌ្ឍសមត្ថភាព និងចូលរួមជាផ្នែកមួយក្នុងការលើកកម្ពស់វិស័យកីឡាបាល់ទាត់កម្ពុជាឱ្យកាន់តែរីកចម្រើនបន្ថែមទៀត។

អម្រឹត សង្ឃឹមថា ការគាំទ្រនេះ នឹងជួយបង្កើតទំនាក់ទំនងមិត្តភាពរវាងកីឡាករ និងសហគមន៍ ក៏ដូចជាជំរុញឱ្យអ្នកស្នេហាវិស័យកីឡាទាំងអស់បន្តចូលរួមលេងកំសាន្ត ព្រោះកីឡាមិនត្រឹមតែផ្តល់ជូននូវសុខភាពល្អប៉ុណ្ណោះទេ តែវារួមទាំងបង្កើននូវ ស្មារតីសហការណ៍ ភាពរីករាយ​និងរឹតចំណងមិត្តភាពឱ្យកាន់តែប្រសើរចំពោះប្រជាជាតិយើងផងដែរ។

អំពីអម្រឹត

 បច្ចុប្បន្ន អម្រឹត​មាន​មោទនភាព​ជា​គ្រឹះស្ថាន​ហិរញ្ញវត្ថុ​ឈានមុខ​គេ​មួយ​ក្នុង​ចំណោម​គ្រឹះស្ថាន​ហិរញ្ញវត្ថុ​ចំនួន​១0 នៅ​ក្នុង​ប្រទេស​កម្ពុជា​ដែល​ផ្តល់​ផល​វិជ្ជមាន​ដល់​សង្គម ។ អម្រឹត បាន​និង​កំពុង​បម្រើ​អតិថិជន​ជាង​៦00,000 នាក់ ដែល​ជា កសិករ​មាន​ចំណូល​ទាប​សហគ្រាស​ធុន​តូច តូច​បំផុត និង​មធ្យម ។ អម្រឹត​មាន​សាខា​ចំនួន​១៥០ ក្នុង​២៤ រាជធានី​-​ខេត្ត​ទូ​ទាំង​ប្រទេស និង​មាន​បុគ្គលិក​ជាង ៤.៧០០​នាក់ កំពុង​បម្រើ​ការងារ​។

អម្រឹត​គឺជា​ក្រុមហ៊ុន​បុត្រ សម្ព័ន្ធ​របស់ Bank SinoPac (​ធនាគារ សាយ​ណូ​ផេ​ក​) គឺជា​ភាគ​ទុ​និក​ធំ​នៅ​ក្នុង​អម្រឹត រួម​ជាមួយនឹង​ភាគ​ទុ​និក​ចំនួន​០២​ផ្សេង​ទៀត​ ដែល​ជា​ស្ថាប័ន​អន្តរជាតិ​មាន​កិត្តិនាម និង​ត្រូវ​បាន​ទទួលស្គាល់​ថា​ ជា​ស្ថាប័ន​ដែល​មាន​ភាព​ច្នៃប្រឌិត និង​ទំនួល​ខុស​ត្រូវ​ខ្ពស់​ផ្នែក​សង្គម ។ ក្នុង​ដំណើរ​វិវត្តន៍ និង​ការ​រីក​ចម្រើន​របស់​ខ្លួន​អម្រឹត​បន្ត​បំពេញបេសកកម្ម​ក្នុង​ការ​ផ្តល់​សេវា​ហិ​រញ្ញវត្ថុ​ដែល​ស្រប​តាម​តម្រូវការ​ចាំបាច់​របស់​អតិថិជន ​។