ព្រះវិហារ, ថ្ងៃទី ៣១ កក្កដា ឆ្នាំ២០២៥ – អម្រឹត បានសហការជាមួយអាជ្ញាធរមូលដ្ឋាន ដើម្បីចែកចាយអំណោយសប្បុរសធម៌ រួមមានគ្រឿងឧបភោគបរិភោគ និងសម្ភារៈប្រើប្រាស់ចាំបាច់ ដល់វីរៈកងទ័ពជួរមុខ ជនភៀសសឹក និងប្រជាពលរដ្ឋជាច្រើនគ្រួសារ នៅ ខេត្តកំពង់ធំ ខេត្តព្រះវិហារ និងឧត្តមានជ័យ។
តំណាងគ្រឹះស្ថានមីក្រូហិរញ្ញវត្ថុអម្រឹត ការចូលរួមនេះគឺជាការរួមចំណែកបន្តិចបន្តួច ដោយទឹកចិត្តស្រលាញ់ និងតបស្នងគុណដល់វីរៈកងទ័ពជួរមុខ ដែលពលីជីវិតដើម្បីការពារបូរណភាពទឹកដី អធិបតេយ្យភាពជាតិមាតុភូមិ ជាទីស្នេហារបស់យើងទាំងអស់គ្នា។
យើងសូមថ្លែងអំណរគុណយ៉ាងជ្រាលជ្រៅ ចំពោះវីរៈកងទ័ព និងជនភៀសសឹកទាំងអស់ដែលកំពុងប្រឈមមុខនឹងភាពលំបាកពីសង្រ្គាមកម្ពុជា-ថៃ។ ការផ្តល់ជូនអំណោយទាំងអស់នេះ គឺជាការចូលរួមតបស្នងគុណ និងរួមចំណែកដល់សង្គម។
គណៈគ្រប់គ្រង និងបុគ្គលិកអម្រឹតទាំងអស់ សូមជូនពរដល់វីរៈកងទ័ពកម្ពុជា និងជនភៀសសឹកទាំងអស់ឱ្យមានសុខភាពល្អ និងសុខសុវត្ថិភាព។
អំពីអម្រឹត
បច្ចុប្បន្ន អម្រឹតមានមោទនភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន១0 នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាននិងកំពុងបម្រើអតិថិជនជាង៦00,000 នាក់ ដែលជា កសិករមានចំណូលទាបសហគ្រាសធុនតូច តូចបំផុត និងមធ្យម ។ អម្រឹតមានសាខាចំនួន១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៧០០នាក់ កំពុងបម្រើការងារ។
អម្រឹតគឺជាក្រុមហ៊ុនបុត្រ សម្ព័ន្ធរបស់ Bank SinoPac (ធនាគារ សាយណូផេក) គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀត ដែលជាស្ថាប័នអន្តរជាតិមានកិត្តិនាម និងត្រូវបានទទួលស្គាល់ថា ជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួនអម្រឹតបន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន ។
Share To:
Jul 19, 2025
Jul 17, 2025
Jul 15, 2025
Jul 12, 2025