ភ្នំពេញ, ថ្ងៃទី២ ខែកុម្ភៈ ឆ្នាំ២០២៥

RUPP Fun Run ដែលរៀបចំដោយ KK Running Club រួមជាមួយ អម្រឹត បានប្រព្រឹត្តទៅដោយជោគជ័យ និងពោរពេញដោយភាពសប្បាយរីករាយនៅព្រឹកថ្ងៃទី២ ខែកុម្ភៈ នៅសាកលវិទ្យាល័យភូមិន្ទភ្នំពេញ។

កម្មវិធីនេះបានទាក់ទាញអ្នកចូលរួមប្រមាណ ៤០០នាក់ ដែលចូលរួមរត់កម្សាន្ត។

មិនត្រឹមតែសម្រាប់សុខភាពប៉ុណ្ណោះទេ ប៉ុន្តែកម្មវិធីនេះក៏បានបង្កើតឱកាសដ៏អស្ចារ្យសម្រាប់ការបង្កើតមិត្តភាព និងជំរុញបរិយាកាសសហគមន៍ផងដែរ។

ការរត់កម្សាន្តនេះមិនមែនមានគោលបំណងប្រកួតប្រជែងទេ ប៉ុន្តែជាការចូលរួមដើម្បីលើកកម្ពស់ជីវិតសុខភាព។ អ្នកចូលរួមបានទទួលនូវបទពិសោធន៍ដ៏អស្ចារ្យ បំពេញដោយស្នាមញញឹម។

អម្រឹត មានកិត្តិយសក្នុងការចូលរួមគាំទ្រនិងលើកកម្ពស់សកម្មភាពកីឡា ដោយលើកកម្ពស់នៃការជំរុញសុខភាព និងសប្បាយរីករាយក្នុងសហគមន៍។

សូមអរគុណដល់ KK Running Club ដែលបានរៀបចំកម្មវិធីនេះជារៀងរាល់ខែ ដើម្បីជួយលើកកម្ពស់វប្បធម៌កីឡាក្នុងសង្គម។ អ្នកដែលចង់ចូលរួមអាចតាមដានព័ត៌មានបន្ថែមពីការរត់ខាងមុខតាមទំព័រ​ផ្លូវការរបស់ KK Running Club។