ភ្នំពេញ, ១៥ ធ្នូ ឆ្នាំ ២០២៤ - ជារៀងរាល់៣ខែម្តង បុគ្គលិកអម្រឹតប្រមាណជាង ៧០០នាក់ហើយដែល នៅតែបន្តរួមគ្នាបរិច្ចាគឈាមដោយស្ម័គ្រចិត្ត ជូនចំពោះអ្នកដែលត្រូវការឈាម។   

នៅក្នុងថ្ងៃនេះផងដែរ គឺជាលើកទី ៩​ ហើយដែលបុគ្គលិកអម្រឹតបានធ្វើការបរិច្ចាគឈាម ជួយសង្រ្គោះ ដោយស្ម័គ្រចិត្តជូនចំពោះអ្នកដែលត្រូវការឈាម។ អម្រឹតនៅតែមានបន្តគាំទ្រដល់បុគ្គលិកទាំងអស់ អោយមានការបរិច្ចាគឈាមដោយស្ម័គ្រចិត្ត ដោយមិនមានការបង្ចិតបង្ខំ។

កម្មវិធីបរិច្ចាគឈាមស្ម័គ្រលើកទី៩នេះ ប្រារព្ធឡើងក្រោមអធីបតីភាព លោកស្រី គា សុភូ អភិបាលរងខេត្តតាកែវ និងលោក កង អាណាន់ អភិបាលនៃគណៈអភិបាលក្រុងដូនកែវ។

ឆ្លៀតក្នុងឱកាសនេះ អម្រឹតសូមថ្លែងអំណរគុណយ៉ាងជ្រាលជ្រៅចំពោះ ការចូលរមគាំទ្រកម្មវិធីពីសំណាក់អជ្ញាធរពាក់ព័ន្ធ វេជ្ជបណ្ឌិតនៃមជ្ឈមណ្ឌលជាតិ Cambodia Blood Service  និងបុគ្គលិកអម្រឹតទាំងអស់។