ព្រៃវែង - ថ្ងៃទី ០៤​ ខែធ្នូ ឆ្នាំ ២០២៤ ជាផ្លូវការអម្រឹតនៅតំបន់ព្រៃវែងបានបង្កើត កម្មវិធីអបអរសាទរ និងផ្តល់ប្រាក់លើកទឹកចិត្តជូនកូនៗរបស់អតិថិជនដែលបានប្រើប្រាស់គណនីក្មេងឆ្លាតដែលទទួលបាន និទ្ទេស A និង B ក្នុងការប្រលងបាក់ឌុបកន្លងមកនេះ។​

នេះគឺជាសកម្មភាពមួយផ្នែកនៅក្នុងកម្មវិធី អបអរសាទរ និងផ្តល់ប្រាក់លើកទឹកចិត្តជូនកូនៗរបស់អតិថិជន ដែលបានប្រើប្រាស់គណនីក្មេងឆ្លាត របស់អម្រឹត ដែលគោរពទៅតាមលក្ខខណ្ឌនិងគោលការណ៍នៃការដាក់ប្រាក់សន្សំប្រកបដោយភាពជឿជាក់ និងមោទនភាព។

អម្រឹត ពិតជាមានកិត្តិយស និងសូមចូលរួមអបអរសាទរចំពោះឧត្តមភាពភាពសិក្សារបស់សិស្សានុសិស្សទាំងអស់ដែលបាទទួលបាននិទ្ទេស A និង B ក្នុងការប្រលងបាក់ឌុបកន្លងមកនេះ។ អម្រឹតសូមអរគុណដល់អាណាព្យាបាលជាពិសេស ដែលបានទុកចិត្តនិងជ្រើសរើសអម្រឹតក្នុងការសម្រេចគោលដៅរបស់កូនៗរបស់លោកអ្នក។