អម្រឹត ពិតជាមានក្តីសោមនស្សរីករាយយ៉ាងក្រៃលែងដែលបានចូលរួម ឧបត្ថម្ភ អាវភ្លៀងចំនួន ២៤០ ជូន ទៅកាន់ក្រុមការងារភ្នាក់ងារទេសចរណ៍ របស់ អាជ្ញាធរអប្សរា នៅខេត្តសៀមរាប។
Jun 22, 2025
អម្រឹត ពិតជាមានក្តីសោមនស្សរីករាយយ៉ាងក្រៃលែងដែលបានចូលរួម ឧបត្ថម្ភ អាវភ្លៀងចំនួន ២៤០ ជូន ទៅកាន់ក្រុមការងារភ្នាក់ងារទេសចរណ៍ របស់ អាជ្ញាធរអប្សរា នៅខេត្តសៀមរាប។
Jun 22, 2025
សៀមរាប ថ្ងៃទី ២២ មិថុនា ២០២៥ – ដោយក្តីគោរព និងស្ងើចសរសើរជូនចំពោះក្រុមការងាររបស់អាជ្ញាធរអប្សរា កន្លងទៅថ្មីៗនេះ អម្រឹតបានចូលរួមចំណែកចែករំលែកវត្ថុអនុស្សាវរីយ៍បន្តិចបន្តួចជូនក្រុមការងារភ្នាក់ងារទេសចរណ៍ របស់ អាជ្ញាធរអប្សរា ដោយផ្តល់ជូននូវ អាវភ្លៀងចំនួន ២៤០។ សម្រាប់ការប្រើប្រាស់ ក្នុងអំឡុងពេលបំពេញការងារ ជាពិសេសក្នុងរដូវវស្សាដែលមានភ្លៀងធ្លាក់ច្រើន។
ដោយអម្រឹតមើលឃើញ ពីការខិតខិប្រឹងប្រែងរបស់ក្រុមការងារភ្នាក់ងារទេសចរណ៍ របស់ អាជ្ញាធរអប្សរាកន្លងមក ពួកគាត់មានតួនាទីយ៉ាងសំខាន់ក្នុងការការពារ រក្សាអនាម័យ និងគាំទ្រការអភិរក្សបេតិកភណ្ឌអង្គរ ព្រមទាំងថែរក្សារសុវត្ថិភាពដល់ភ្ញៀវទេសចរជារៀងរាល់ថ្ងៃ។ ដើម្បីជាការជួយគាំទ្រនិងលើកទឹកចិត្ត នូវការអនុវត្តការងារដ៏លំបាកទាំងនេះ អម្រឹត បានផ្ដល់ជូនអាវភ្លៀង ២៤០ កញ្ចប់ដើម្បីប្រើប្រាស់និងការពារពេលមេឃភ្លៀង។ អម្រឹតពិតជាមានកិត្តិយស ដល់ក្រុមការងារភ្នាក់ងារទេសចរណ៍ របស់ អាជ្ញាធរអប្សរា កន្លងមកក្នុងការពារ ថែរក្សាបេតិកភណ្ឌដ៏មានតម្លៃរបស់ជាតិយើង។ យើងខ្ញុំសង្ឃឹមថា អាវភ្លៀងទាំងអស់នេះនឹងផ្តល់ភាពងាយស្រួលក្នុងការអនុវត្តការងារបន្ថែមទៀត។
ការបរិច្ចាគនេះបង្ហាញពីការយកចិត្តទុកដាក់របស់អម្រឹតចំពោះការអភិវឌ្ឍសហគមន៍ និងការលើកស្ទួយវប្បធម៌ ក៏ដូចជាការអភិរក្សបេតិកភណ្ឌប្រវត្តិសាស្រ្តរបស់យើង។
យើងខ្ញុំ សង្ឃឹមថា បងប្រុស បងស្រី ដែលជាក្រុមការងារ នឹងរីករាយយកទៅប្រើប្រាស់ ក្នុងពេលបំពេញការងារប្រកបដោយទំនុកចិត្តពីអម្រឹត។ សូមចូលរួម ការពារ ថែរក្សារ សម្បត្តិមរតកដូនតា ខ្មែររបស់យើងទាំងអស់គ្នា ។
អំពីអម្រឹត
បច្ចុប្បន្ន អម្រឹតមានមោទនភាពជាគ្រឹះស្ថានហិរញ្ញវត្ថុឈានមុខគេមួយក្នុងចំណោមគ្រឹះស្ថានហិរញ្ញវត្ថុចំនួន១0 នៅក្នុងប្រទេសកម្ពុជាដែលផ្តល់ផលវិជ្ជមានដល់សង្គម ។ អម្រឹត បាននិងកំពុងបម្រើអតិថិជនជាង៦00,000 នាក់ ដែលជា កសិករមានចំណូលទាបសហគ្រាសធុនតូច តូចបំផុត និងមធ្យម ។ អម្រឹតមានសាខាចំនួន១៥០ ក្នុង២៤ រាជធានី-ខេត្តទូទាំងប្រទេស និងមានបុគ្គលិកជាង ៤.៧០០នាក់ កំពុងបម្រើការងារ។
អម្រឹតគឺជាក្រុមហ៊ុនបុត្រ សម្ព័ន្ធរបស់ Bank SinoPac (ធនាគារ សាយណូផេក) គឺជាភាគទុនិកធំនៅក្នុងអម្រឹត រួមជាមួយនឹងភាគទុនិកចំនួន០២ផ្សេងទៀត ដែលជាស្ថាប័នអន្តរជាតិមានកិត្តិនាម និងត្រូវបានទទួលស្គាល់ថា ជាស្ថាប័នដែលមានភាពច្នៃប្រឌិត និងទំនួលខុសត្រូវខ្ពស់ផ្នែកសង្គម ។ ក្នុងដំណើរវិវត្តន៍ និងការរីកចម្រើនរបស់ខ្លួនអម្រឹតបន្តបំពេញបេសកកម្មក្នុងការផ្តល់សេវាហិរញ្ញវត្ថុដែលស្របតាមតម្រូវការចាំបាច់របស់អតិថិជន ។
Share To: